Sildenafil

An Sildenafil, pinapabakal sa markang Viagra, asin sa iba pa, sarong bulong na inuusar sa pagtaong remedyo kan sinasabing erectile dysfunction o an dai 'pagla'tog' kan sa lalake asin man pagbulong kan pulmonarypong arterial hypertension.^[1][2] Bakong malinaw kun ini nakakabulong man sa sekswal na problema nin babae na daing namamateng girok.^[2] Ini tinotomar paagi nin pag'inom o paagi nin pag'iniksyon sa ugat na agihan nin dugo.^[2] Ini sa laog nin beinteng minuto napoon nang mag'asir hanggan sa duwang oras an pagpatagas sa organo nin lalake.^[2]

An komun na kadamay na epektong dinadara kaini iyo an kulog-payo, heartburn, asin pag'irinit nin kublit.^[2] Pag'iingat pinaparomdom duman sa may cardiovascular disease o helang sa puso.^[2] An talagsad pero seryosong epektong kadamay iyo an halawig na dai pagkupos kan sa lalake (priapismo) na pwedeng maka-unong sa organong lalake, pagraot o pagdiklom sa paghiling, asin pagbubungog.^[2] An Sildenafil sinasabing dai dapat pagtomaron kan mga nagbubulong nin mga medisina na may nitrate arog kan nitroglycerin (glycerin trinitrate), ta ini pwede magresulta sa biglang pagbaba kan presyon nin dugo.^[2] An Sildenafil dai man dapat pagtomaron sa laog nin apat na oras sa pakatomar kn inaapod na alpha blocker.

1. ↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na Viagra FDA label
2. ↑ ^{2.0 2.1 2.2 2.3 2.4 2.5 2.6 2.7} "Sildenafil Citrate". The American Society of Health-System Pharmacists. Retrieved 1 December 2014. ^{[permanent dead link]}